SAIDA MAK KONTA HA’U NIA FUTURU?
Produtu Konta Ha’u Nia Futuru, Banco Sentrál de Timor-Leste hamutuk ho Banku Komersiál sira konkorda halo lansamentu produtu poupansa ba labarik ho idade entre tinan 0 to’o atinji 17. Produtu ne’e ofisialmente lansa iha loron 28 de Agostu 2015, hahú husi ne’eba Inan-aman no labarik sira hakbesik aan ba banku komersiál no nia sukursál ne’ebé lokaliza iha munisípiu hotu. Kliente iha liberdade hili banku tuir sira-nia hakarak.
OBJETIVU KRIASAUN KONTA HA’U NIA FUTURU
Estabelese konta Ha’u Nia Futuru ba labarik sira ho objetivu atu enkoraja labarik sira hodi deskobre benefísiu hodi rai osan iha banku no haré rasik sira nia depózitu. Ne’e sai hanesan kontribuisaun ne’ebé klean no interese uza iha futuru nian.
Estabilidade konta ne’e presiza kontribusaun Inan-aman hodi bele ba loke konta ba oan-sira, no periodikamente halo poupansa osan iha konta nee. Banku Sentrál Timor-Leste hamutuk ho banku komersiu uza maneira ne’e hodi bele akumula ema hotu inklina iha sistema finanseiru ne’ebé baratu no seguru.
VANTEJEN KONTA HA’U NIA FUTURU
Konta ne’e diak no servi ba labarik husi idade foin moris to’o idade atinji 17. Uza konta ne’e hanesan maneira halo planu orsamentu ba labarik sira nia futuru.
KRITÉRIA LOKE KONTA HA’U NIA FUTURU
Dokumentus presiza wainhira loke konta Ha’u Nia Futuru hanesan:
- Sertidaun nasimentu RDTL orijinál labarik nian
- Biliete identidade (BI) orijinál inan no aman nian
