Workshop iha materia ABK/KFT ba Banco Nacional Comercio de Timor-Leste (BNCTL)
29 | 09 | 2016
Unidade de Informação Financeira (UIF), iha loron 29 Setembru 2016, fo formasaun ba funsionariu sira Banco Nacional Comercio de Timor-Leste (BNCTL) nian, nu’udar parte ida hosi UIF nia programa hasaé koñesimentu no esperiensia iha materia ABK/KFT nian. Objetivu hosi workshop ne’e atu hadi’a kualidade koñesimentu iha assuntu relevante ABK/KFT nian no mós atu assegura katak BNCTL nu’udar entidade sujeita ida kumpri duni obrigasaun legal sira liu-liu konabá implementasaun medidas preventivas.
Formasaun ne’e hetan partisipasaun masima funsionariu sira hosi área servisu oin-oin iha Sede BNCTL Dili no Sukursal iha Munisípiu sira hanesan: Jestaun ba Risku no Konformidade; Chefe Sukursal sira; área Kredit; atendimentu kliente; no mós marka prezensa hosi Senhores Membrus Konsellu Administrasaun BNCTL nian balu.
