Rejistu Osan Tama no Sai
Fluxu osan (cash flow) maka montante líkidu osan ka ekivalente osan ne’ebé muda tama no sai hosi negósiu ida iha períodu espesífiku.
- Fluxu osan tama (cash inflow) mak osan ne’ebé tama iha negósiu ida liuhosi fonte rendimentu ruma ne’ebé mak empreza hamosu. Entrada sira Fluxu Osan nian ne’ebé komún liu iha balansu (Balance Sheet) fahe ba kategoria atividade tolu (3) mak:
- Atividade operasional sira:
- Reseita husi vendas ka servisus
- Osan funan nebe simu ona
- Kobransa kapitál ba empréstimu sira ne’ebé halo ba ema seluk
- Atividades investimentu sira:
- Fa’an sasan sira (propriedade, ekipamentu)
- Fa’an investimentu sira
- Reseita husi vendas ka servisus
- Atividade finansiamentu sira:
- Emisaun asaun sira
- Empréstimu (empréstimu sira ne’ebé simu ona)
- Fluxu osan sai (cash outflow) mak osan ne’ebé sai hosi negósiu tanba kualkér forma despeza, dívida, ka responsabilidade sira. Item sira iha fluxu osan sai komún liu hetan iha balansu (Balance Sheet) fahe mós ba kategoria tolu (3) mak:
- Atividade Operasional sira:
- Pagamentu ba fornesedór sira
- Pagamentu ba funsionáriu sira
- Pagamentu ba despeza operasional sira (aluga fatin ou veíkulu, utilidade sira, nst)
- Atividade investimentu sira:
- Sosa sasan sira (propriedade, ekipamentu)
- Sosa investimentu sira
- Empréstimu sira ne’ebé fo sai ba ema seluk
- Atividade finansiamentu sira:
- Selu fali empréstimu sira
- Pagamentu ba dividendu sira
- Sosa asaun tezouru nian
- Kontabilidade iha Negosiu
Empreza Mikru, Ki’ik no Média Empreza (EMKM) presiza hatene forma relatóriu finanseiru sira. Relatoriu ne'e iha benefísiu oioin, inklui hatene kondisaun finanseira negósiu nian, halo kalkulasaun ba impostu sira no tulun fasilita pedidu empréstimu iha institusaun finanseira hanesan banku.
Kontabilidade ba empreza Mikro, ki'ik no médiu nian halo liuhosi rai rejistu kompletu hosi rendimentu no despeza hotu-hotu no ho loloos ba informasaun finanseira hosi tranzasaun negósiu sira. Ida-ne'e maka faze importante ida ne'ebé ajuda na'in ba negósiu ki'ik sira atu buka tuir no jere sira nia osan ho efetivu – liuliu iha faze inisiál sira.
Wainhira prepara relatóriu finanseiru presiza prepara kondisaun sira maka hanesan tuirmai
- Rejista rendimentu no despeza hotu-hotu
- Kria livru ba rejista osan prinsipál nian
- Monitoriza rejistu stock sasan nian
- Verifika inventáriu empreza nian
Hakarak katene klean kona-ba kontabilidade baziku favor (link to) (c). simple balance sheet (neraca) hodi hetan informasaun kompletu kona-ba vanatajen hakerek rejistu kontabilidade no maneira hakerek rejistu kontabilidade nian ne’ebe komum.
