PROTEJE ORSAMENTU
Banku :
Institusaun Finanseira hetan lisensa husi Banco Central de Timor-Leste hodi halo funsaun intermediariu finanseiru ba kleinte hanesan regula iha lei Banku Sentral (Lei nu 5/2011 atigu 1 pontu d no i) . Banku nu’udar orgaun ne'ebé envolve iha negósiu hodi simu depózitu husi públiku iha Timor-Leste no uza fundu sira-ne'e hotu ka parte balu, atu fo kréditu ka halo investimentu ne'ebé risku sei reponsabiliza husi ema ne'ebé hala'o negósiu ne'e.
Instituisaun Depózitoria Seluk (IDS) ne'ebé refere nu'udar "ODTI (other deposite taking Institution)" katak organizasaun ou kompañia ne'ebé hetan lisensa haktuir termu iha Instrusaun Públiku Nú. 06/2010/2017 kona-ba IDS.
Depózitu tuir Prazu katak Konta depózitu tuir tempu, hanesan rai osan iha banku ba fulan 1 (ida), fulan 3 (tolu), tinan 1 (ida) ou bele liu husi tinan 1 ho fulan ne'ebé la hanesan. Tipu depózitu tuir prazu, ita bele foti osan se tempu to'o ona tuir kontratu.
Kréditu katak buka ba ema ne'ebé fo deve osan ou sasan, nain ba ema ne'ebé husu deve hatan atu fo fila sasan nain ou selu fila-fali osan hamutuk ho osan funan/ ho jurus no taxa tuir tempu ne'ebé hakerek iha kontratu.
ATM (Automatic Teller Machine) ka mákina pagamentu automitiku husi banku ida nian mak mákina ne’ebé permite kliente banku asesu sira ninian konta banku. Liu husi ATM ema bele foti osan, halo transferensia, selu impostu ka obrigasaun no cek balansu konta ne’e rasik. PIN mak kodigu hodi asesu konta ne’e rasik atraves kartaun Debitu. Kodigu ne’e segredu, eskoila numuru ne’ebé fasil atu lembra, labele hakerek kodigu ne’e besik iha kartaun debitu. Kuandu ita lakon kartaun ne’e informa lalais banku, banku sei kansela kartaun ne’e. Ho nune’e ema seluk labele uza ita nian kartaun.
PIN: Personal Identification Number ka Númeru Identifikasaun Pesoal ne’ebe fornese husi servisu finanseiru ba nia kliente. PIN nu’udar numeru segredu labele fahe ho ema seluk, hakerek PIN ho loos foin bele asesu servisu finanseiru tuir fasilidade mak iha.
Karik ita-boot presiza ajuda uza mákina ATM, bele husu funsionariu banku ajuda. Labele fahe ita-boot nia PIN(*) ho ema seluk.
POS: Point of sale ka makina tranzasaun dijital nian babain monta iha Loza, restaurante, hotel no fatin negosiu nian hodi tulun tranzasaun digital. Liu husi mákina POS ne’e permiti ema selu sasan ho kartaun debitu. Atu halo pagamentu iha POS presiza iha kartaun debitu no kodigu PIN ne’ebé rejistun ona.
