Balansu Pagamentu
Balansu Pagamentu (BP) hanesan kompilasaun estatístika ida ne'ebé sistematikamente halo rezumu ba tranzasaun ekonómika hotu
hotu — inklui tranzasaun ne'ebé envolve sasán, servisu, no kapitál — entre rezidente husi nasaun ida no rezidente sira husi nasaun seluk durante períodu espesífiku ida.
Banku Sentrál Timor-Leste kompila estatístika BP tuir Manuál Balansu Pagamentu no Pozisaun Investimentu Internasionál
husi Fundu Monetáriu Internasionál (FMI), Edisaun Daneen (BPM6).
hotu — inklui tranzasaun ne'ebé envolve sasán, servisu, no kapitál — entre rezidente husi nasaun ida no rezidente sira husi nasaun seluk durante períodu espesífiku ida.
Banku Sentrál Timor-Leste kompila estatístika BP tuir Manuál Balansu Pagamentu no Pozisaun Investimentu Internasionál
husi Fundu Monetáriu Internasionál (FMI), Edisaun Daneen (BPM6).
BP prinsipalmente komposta husi konta sira tuirmai: konta korrente, konta kapitál, no konta finanseira.
- Konta korrente fó detalla kona-ba fluxu sasán, servisu no rendimentu sira entre rezidente no la'ós rezidente.
- Konta kapitál rejistra entrada kréditu no débitu sira ba ativu sira ne'ebé la-produzidu, la'ós finanseiru no transferénsia kapitál entre rezidente no la'ós rezidente sira.
- Konta finanseira abranje tranzasaun sira ne'ebé envolve ativu no pasivu finanseiru sira entre rezidente no la'ós rezidente.
Dadus husi konta finanseira esklarese fonte finansiamentu ba konta korrente.
Ativu no pasivu finanseiru sira kategoriza tuir tipu sira hanesan investimentu diretu estranjeiru,
investimentu karteira, investimentu seluk no ativu rezerva ofisiál.
Ba konseitu no definisaun detalladu liu tan, favor vizita Timor-Leste Balansu Pagamentu ne'e .
