Atividade tinan 2014
Banku Sentrál Timór-Leste lansa programa sensebilizasaun nasional atu hadi’a finansial literasia ba ita nia populasaun. Progama ne’e nian naran maka Programa Nasionál ba Edukasaun Finanseira no lansa ona iha loron 29 fulan Novembru 2014 husi Sua Exselensia Presidente da Repúblika Sr. Taur Matan Ruak. Hahu husi ohin ba oin iha loron 29 fulan Novembru sei sai hanesan loron nationál ba poupansa no tinan-tinan sei iha eventu anual atu komemora loron ne’e.
Foto: Presidente Sr. Taur Matan Ruak, officialmente lansa programa Poupansa Nasional.
Fatin : Kampo Demokrasia Dili
Hafoin lansamentu refere, BCTL realiza kampaña nasional ho tema Poupa agora diak ba futuru. Objetivu prinsipal husi kampaña ne’e mak atu hasae konsensia kona-ba finansas ba família no negósiu ki’ik sira atu bele hamoris hábitu poupa, bele halo mudansa kona-ba hábitu gastus hodi nune’e bele hametin seguransa no estabilidade finanseira.
Hafoin lansamentu refere, BCTL realiza kampaña nasional ho tema Poupa agora diak ba futuru. Objetivu prinsipal husi kampaña ne’e mak atu hasae konsensia kona-ba finansas ba família no negósiu ki’ik sira atu bele hamoris hábitu poupa, bele halo mudansa kona-ba hábitu gastus hodi nune’e bele hametin seguransa no estabilidade finanseira.
Ho kampaña nasionál ne’e bele sensibiliza liután ita nia populasaun sira ninia koñesementu kona-ba risku finanseiru sira no oinsá atu proteje hasoru risku hirak ne’e ho puopansa ne’ebé adekuadu, segurus no edukasaun finanseira.
Programa sensebilizasaun nasional refere foka liubá tema prinsipal hanesan:
- Planu – Hanesan nasaun ida, hadia ekonomia ita nian nasaun atu nune’e bele sai nasaun ida ne’ebé mak finansialmente independente. Atu atinji ida ne’e, ita hotu persiza adapta hábitu ida kona-ba oinsá halo planu ba ita nian futuru no hahu ona atu hanoin liliu ba pratika saida mak iha halao iha ita nia moris lorloron. Planu hanesan parte esensial ida no pasu dahuluk atu ita bele finansialmente independente. Banku sira mak sai hanesan xave atu ajuda ema oinsá atu halo planu ba sira nia futuru no mos atu ajuda halo planu ba komunidade no nasaun.
- Puopa - Hanesan nasaun, sekuandu ita la halo poupa ba ita nia futuru no ida ne’e maka obstaklu bo’ot mai ita hotu. Ita presiza atu komesa hanoin kona-ba ita nia futuru no hola responsabilidade atu prudente ita nia gastus. Banku sira iha dezempenha papel importante hodi ajuda ema atu poupa, maibe presiza atu atrai ema atu rai osan iha banku no laos iha uma. Kampaña ne’e hanesan oportunidade ida mai ita hotu atu hanoin liliu kona-ba ita nia situasaun atual poupa agora diak ba futuru
- Proteje - Importante atu hatene kona-ba importansia proteje saida mak ita nian- proteje ita nian futuru- ita nia oan sira; proteje buat hirak ne’ebé mak importante mai ita hanesan ita nian rendimentu, ita nian natar, ita nian to’os nsst; proteje ita nian riku soin, ita nian saude, ita nian uma. Atu proteje ita nia futuru tenki hahú hosi agora.
Hafoin lansamentu, ekipa ne’ebé husi Banku Sentral no Banku Komersial sira habelar mesajen ne’e liu husi kampaña sensibilizasaun nasionál ba distritu hotu iha Timor laran tomak.
