Atividade Tinan 2016

Atividade tinan 2016

Selebrasaun aniversáriu daruak loron nasionál ba poupansa iha Munisípiu Liquiça ne’ebé hetan partisipasaun ema besik 1200 inklui mós estundante no profesór/a ensinu báziku husi postu administrative 3 hanesan Liquiça, Maubara noBazartete.

Serimónia refere hetan partisipasaun husi Vise Ministra Educação, Diretór Jerál husi Ministério da Educação, Administradór Munisípiu Liquiça nian, reprezentative husi Instituisaun Finanseira sira nsst.

Eventu ida-ne’e espesiál tebes tamba hetan partisipasaun husi Ilha Pacífica sira hanesan Governadores no reprezentante sira mai husi Reserva Bank of Australia, Reserve Bank of New Zealand, Reserve Bank of Fiji, Bank of Papua New Guinea, Central Bank of Samoa, Central Bank of Solomon Islands, National Reserve Bank of Tonga no Reserve Bank of Vanuatu ne’ebé mai hodi partisipa iha 31st South Pacific Central Bank Governor’s Meeting organiza husi Bancoe Central de Timor-Leste.

Hodi selebra aniversáriu ida-ne’e, BCTL realiza pre-eventu kompetisaun edukativu hanesan lee Puizia, palestra, certamex no pinta iha Munisípiu Liquiça no iha grupo 8 mai husi Ensinu Báziku iha municipio Liquica mak tuir eventu refere.

Pre-eventu kompetisaun edukativu rezulta vesendór 4 ba Puizia, palestra, no pinta. Ba certamex rasik iha grupu haat mak sai vesendór. Eventu ne’e realiza tamba BCTL serbisu hamutuk ho Autoridade Munisípiu Liquiça, Edukasaun Munisípiu Liquiça, Fundasaun Cristal (lee Puizia, palestra, certamex) no CARE International(pinta).

Atividade prinsipal husi eventu ne’e mak pre-edukativu hanesan kompetisaun Certame/Quiz, Poezia, Pinta/Dezeñu no Palestra. Total parstisipante hamutuk besik rihun ida mak tuir selebrasaun ida nee.

Foto : Ekipa Organizadora atividade kompetisaun hamutuk ho manan nain ensera atividade ho foto hamutuk .
Fatin : Gedung Koni Liquisa