POUPA
Hala'o poupansa orsamentu signifika halo planu kona-ba jestaun rai osan kuantidade ki'ik ka boot husi osan ne'ebé ita simu kada semana ka fulan.
Iha poupansa ita tenki kuda prinsipiu” fo Primeiru ba ita nia ann” konseitu ne'e signifika katak antes ita gasta osan ba mehi ne'ebé ki'ik ka boot importante, ita tenke fó prioridade ba poupansa ne’ebe benefisiu ita rasik. Ita tenke hatama osan iha konta poupansa primeiru antes ita gasta osan ba buat oin-oin. Benefísiu husi poupansa
- Poupansa orsamentu bele ajuda ita asegura katak ita sei iha osan sufisiente atu nune'e bele tulun ba gastu sira ne'ebé ne'ebé prioridade no importante
- Poupansa orsamentu bele tulun hetan objetivu sira ne'ebé mak ita hakarak atinje iha futuru, hanesan kompra ka sosa televizaun foun, telefone foun, kareta foun,fo oan ba eskola favoritu no sira seluk-tan.
- Fundu husi poupansa tulun libre husi debe
Maneira halo poupansa iha oin rua hanesan metodu tradisional no konvensional.
Metodu poupa tradisional maneira antigu liu, ema bele rai deit osan balun iha fatin ne’ebe nia hakarak hanesan rai osan iha koverinu no safety box. Wainhira, fatin tau osan nakonu bele foti no hodi sosa sasan ne’ebe hakarak. Vantajen tradisional mak hanesan: la presiza rekijitus, la presiza la’o dook fasil atu asesu wainhira presiza. Desvantajen metodu tradisional mak hanesan menus seguransa, la simu ka hetan osan funan, labele uza halo tranzasaun dijital ka online.
Poupansa konvensional mak maneira rai osan iha intitusaun finanseira hanesan banku. Banku sira fó opsaun ba kliente halo poupansa. Poupa iha banku fó oportunidade ba kliente atu hetan osan funan ho kondisaun ne’ebe preve iha banku ida nian. Sorin seluk, banku iha obrigasaun atu asegura no proteze kliente nia osan,
Motivasaun sempre akontese wainhira mosu vantajen iha aksaun ruma. Entertantu hamoris esperitu poupansa no aplika iha pratika sei tulun disipilina rai osan balun husi rendementu, tulun evita gastu mak la nesesariu.
