Ekonomia no Estatístika sira husi Banku Sentrál Timor-Leste ne'e relasiona ho:
- Estatístika Balansu Pagamentu
- Estatístika Monetária no Finanseira
- Produtu Domestíku Grosu
- Estatístika Finansas Governu nian
- Estatístika Presu
- Estatístika Komersiu Internasionál
- Estatístika sira seluk
- Analize no peskija ekonómika
Ida ne'e envolve liuliu iha promosaun ba estabelesimentu Estatístika ekonómika sira ne'ebé harmonizada no ho kualidade iha Timor-Leste hodi aplika:
- Padraun Estatístika internasionál sira
- Fornese servisu ba rekollimentu, prosesamentu, análize, no diseminasaun Estatístika ekonómika sira
- Halo peskija atu hadi'aliu tan produsaun no utilizasaun Estatístika ekonómika sira
- Serve nu'udar uma ida ba baze-dadus ba análize ekonómika ba utilizador dadus sira
Tamba ligasaun importante entre dezenvolvimentu ekonomia Timor-Leste nian ho mundu seluk nia Estatístika balansu pagamentu ne'ebé atual, seguru, no komprensivu bazeia ba metodolojia ida ne'ebé apropriada no ho orientasaun analítika nune'e ida ne'e sai meiu ida ne'ebé indispensavel ba análize ekonómiku no halo desizaun.
Balansu Pagamentu
BCTL dezenvolve ona kompilasaun metodolojika ida konaba Estatístika balansu pagamentu (BOP) sira no Estatístika Pozisaun Investimentu Internasionál (International Investment Position/IIP) ba Timor-Leste bazeia ba manuál Balansu Pagamentu husi IMF, manuál BPM. Atu sai nu'udar matadalan ba kompilasaun pratika ba metadadus ida ne'ebé dezenvolve ona.Estatístika Monetária no Finanseira
Estatístika Monetária no Finanseira sira Timor-Leste nian konsiste husi dadu lubuk ida konaba estoke no fluxu ba ativus no resposabilidade finanseiru no naun-finanseiru husi setór ekonomia hotuhotu iha Timor-Leste.Matadalan ba kompilasaun Estatístika Monetária no finanseira sira iha Timor-Leste ne'e bazeia ba manuál estatististika Monetária no finanseira husi FMI.
Instituisaun finanseira sira ne'ebé BCTl superviziona iha obrigasaun halo relatóriu ba balansu kontas (balance sheet) no deklarasaun rendimentu sira ba BCTL kada fulan.
Informasaun sira ne'e sei uza nu'udar baze atu kompila Estatístika Monetária no finanseira Timor-Leste nian. Estatístika Monetária sira ne'e iha ligasaun besik tebetebes ho Estatístika Bankária sira. Sira ne'e fo kontribuisaun (input) esensiál ida ba polítika monetáriu Banku Sentrál nian.
Estatístika sira ne'e, ida ne’ebé hanaran agregadu estatístika monetáriu, kalkula tuir definisaun ne'ebé BCTL adopota ona.
Produtu Internu Brutu (GDP)
Produtu Internu Brutu (Gross domestic product /GDP) koresponde ba valór monetáriu husi bens no servisu final sira hotu ne'ebé produz ona iha nasaun ida nia laran, iha periodu tempu espesifiku ida. GDP Timor-Leste nian ne'e kalkula iha baze anual. GDP inklui konsumu privadu no públiku, investimentu no exportasaun sira, menus importasaun hotuhotu ne'ebé la'o iha teritoriu Timor-Leste nia laran.| Formula atu kalkula Produtu Internu Brutu | |
| GDP = C + G + I + NX | |
| Iha ne'ebé: C ne'e hanesan ho konsumu privadu hotuhotu, ka gastu hotuhotu husi konsumidor, iha ekonomia Timor-Leste, G mak soma (total) husi gastu governu nian, I mak soma husi investimentu railaran, inklui gastu kapital negósiu sira no NX mak rede total exportasaun sira nasaun ne'e nian, sura nu'udar total exportasaun menus total importasaun (NX = Exportasaun – Importasaun). |
Estatístika Finansa Governu
Estatístika Finansa Governu (Government Finance Statistics/GFS) Timor-Leste ne'ebé públika husi BCTL hatudu governu nia atividade ekonómika sira, bazikamente exekusaun orsamentu governu nian, inklui:
- Total reseita governu nian
- Total gastu governu nian
- Balansu governu nian, i.e. sobra (+)/defise (-)
Inflasaun
Exemplu:
- Aihan
- Edukasaun
- Transportasaun
- Etc...
Revizaun CPI Timor-Leste aprezenta pezu foun husi grupu produtu hanesan tuir mai ne'e:
| Lista Produtu | |
| Produtu | Pur Sentu |
| Aihan | 64.3% (of which 17.2 are cereals, particularly the rice) |
| Bebida Alkoolika no Tabaku | 4,9% |
| Ropa no Sapatu | 5,9% |
| Alojamentu | 5.7% |
| Mobiliáriu Umakain | 4.2% |
| Saude | 0.8% |
| Transporte | 6.4% |
| Komunikasaun | 2.3% |
| Rekreiu no Kultura | 3,3% |
| Edukasaun | 2.3% |
Estatístika Komersiu Internasionál
Importasaun merkadoria sira mak produtu sira ne'ebé refere ba fornesimentu impostu, no importasaun naun-merkadoria sira mak hirak ne'ebé izentu/livre husi impostu. Re-exportasaun mak sasan ne'ebé foin importa, husi ajensia internasionál sira, no haruka fila fali ba nasaun orijen.
Osan ofisiál Timor-Leste nian mak dolar Amerikanu. Pagamentu no transasaun houhotu iha railaran tenki uza osan ofisiál.
Taxa de Kámbiu
Banku komersiál sira iha Timor-Leste estabelese taxa troka-osan estranjeira ho sira nia kriteriu rasik; taxa hirak ne'e ba intensaun atu fo informasaun deit. BCTL públika informasaun ida ne'e husi fonte internasionál sira hanesan servisu informasaun públiku. Taxa troka real mak taxa troka-osan nominal ne'ebé hadi'a husi efeitu movimentu presu (sa'e ka tun) iha ekonomia nia laran. Taxa troka-osan real fo informasaun konaba grau kompetitividade husi nasaun ida nian wainhira kompara ho nasaun seluk. Indikador atu sukat mudansa taxa troka-osan mak Taxa Troka-osan Nominal Efetiva (Nominal Effective Exchange Rate/NEER) no Taxa Troka Real Efetiva (Real Effective Exchange Rate/REER).Taxa de Kámbiu Nominal Efetiva (NEER) no Taxa Troka Real Efetiva (REER)
| NEER |
| NEER mak media ne'ebé tetu husi taxa troka nominal bilaterál, ho pezu sira bazeia ba kambiu komersiu nian ne'ebé reflete importansia relativa husi kada osan iha kaixa taxa troka-osan efetiva nian. NEER ba kada periodu ne'e define nu'udar soma ne'ebé tetu ona husi taxa troka-osan nominal bilaterál, ho pezu sira ne'ebé define nu'udar kambiu husi komersiu externál husi kada parseiru komersiu iha total. |
 Iha ne'ebé:  Taxa troka-osan husi nasaun/osan i troka ba osan dolar Amerikanu. Pezu sira ne'ebé iha nasaun nia laran/ osan i iha indise. |
| REER |
| REER ne'e hetan husi adjustamentu NEER ba diferensiál inflasaun sira ho nasaun sira ne'ebé' ninia osan ne'e inkui iha kaixa laran. Tamba taxa inflasaun iha nasaun idaidak ne'e asume atu indika tebtebes modelu iha kustu produsaun domestiku, REER ne'e hakarak atu reflete kompetitividade estranjeira husi produtu domestika sira. Atensaun prinsipál husi REER mak ba balansu komersiu, liuliu konaba taxa troka-osan ne'ebé rezulta mudansa iha fluxu komersiu sira. Apresiasaun modelu ida husi taxa troka-osan real efetiva ne'e konsidera la favoravel ba kresimentu exportasaun no tamba nia favorese importasaun husi nasaun sira ne'ebé kompete. REER mak soma ne'ebé tetu husi taxa troka-osan real bilaterál, ho pezu sira ne'ebé fo husi troka husi parseiru komersiu idaidak iha total: |
|
j = Timor-Leste , i = parseiru |
NEER no REER ne'e bazeia ba kompozisaun komersiu Timor-Leste nian ho nasaun parseiru komersiu 8 ne'ebé komputerizada regulármente husi BCTL. Selesaun nasaun sira nian iha kaixa laran ne'e bazeia ba troka komersiu bilaterál no ninia importansia relasiona ho kompetitividade husi nasaun importadora sira mai Timor-Leste iha merkadu internasionál.
Valór ne'ebé tetu ne'e kalkula ho baze media geometrika husi komersiu bilaterál Timor-Leste ho nasaun idaidak.
| Composition of 8 Trading Partners (Per Cent) | |
| Parseiru | Pur Sentu |
| Indonesia | 45% |
| Australia | 9% |
| Singapore | 18% |
| Japan | 4% |
| Vietnam | 7% |
| Thailand | 3% |
| Malaysia | 9% |
| Portugal | 5% |
| Kompozisaun bele muda tamba hafoin tinan 5 tenki tetu fila fali |
