Atividade Tinan 2020

Selebrasaun Loron Poupansa Nasionál ba Daneen

Selebrasaun aniversáriu Loron Poupansa Nasional Daneen tinan ne’e, Banco Central de Timor-Leste (BCTL) realiza kompetisaun hakerek ba estudante ensinu báziku terseira siklu no ensinu sekundáriu. Atividade selebrasaun ho tipu atividade diferente ho tinan sira seluk tamba situasaun ne’ebé kauza husi pandemia virus Covid-19.

Objetivu husi programa ne’e mak enkoraja estudante 3^o siklu no estudante nivél sekundáriu hodi ekoraja no hatoman an rai osan ba sira nia futuru. Ba eskola ensinu básiku 3^o siklu ho nia tema Mai Ita Rai Osan iha Konta Hau-Nia Futuru no eskola nivél sekundariu ho tema “Poupansa Diak ba Futuru”.

BCTL simu husi 36 estudante kompostu hosi nain 8 husi Ensinu Báziku 3^o Siklu no 28 mai husi estudante Ensinu Sekundária.

Ekipa de-Júri kompostu husi reprezentante Ministério da Educação, Juventude e Desporto no CARE International ba projetu lafaek finaliza prosesu selesaun iha loron 10 Novembru 2020 inklui halo intervista ba concorrente sira mak hetan valór bo’ot no ikus liu rezulta manan-nain 3 ba Ensinu Báziku 3^o Siklu no manan-nain 6 ba Ensinu Sekundária.

Ekipa BCTL foto hamutuk ho Ekipa de-Juri husi Ministério da Educação, Juventude e Desporto no CARE International ne’ebe responsavél halo selesaun ba hakerek submetido inklui halo intervista.

Rezultadu manan-nain ba kompetisaun hakerek ai-knanoik ida-ne’e anúnsiu iha loron 29 Novembru 2020 iha postu Administrativu Maubisse, Munisípiu Ainaro durante eventu selebrasaun Loron Poupansa Nasionál ba Daneen. Manan-nain simu prémiu ne’ebé transfere ba sira-nia konta “Hau-nia Futuru” . Alén-de ne’e manan-nain mós simu sertifikadu rekoñesimentu husi BCTL.

Foto Vise Governadora Sra. Nur Aini Alkatiri, ofisialmente anúnsiu rezultadu kompetisaun hakerek ai-knanoik. Banku Sentral depois simu rezultadu hosi panelista ho haksolok anunsia alin estudante nain sia (9) nu’udar manan -nain ba kompetisaun hakerek. Nain tolu hosi ensinu báziku no nain neen (6) hosi ensinu sekundáriu.

Tuir mai resultadu avaliasaun konkursu hakerek nebe nu’udar manan-nain.

Estudante Ensinu Terseiru Siklu

No	Naran Kompletu	Hosi Eskola	Manán
1	Laurencia Evangelina Pinto	EBC. Maria Auxilia Dora	1º
2	Evo Morales Ilibui Araujo Freitas	EBC Colegio de Santo Inacio de Loiola	2º
3	Josefina Cardoso	EBC Externato de Sao Jose	3º

Estudante Ensinu Sekundáriu

No	Naran Kompletu	Hosi Eskola	Manán
1	Moreno Benigno G. dos S. Soares	Colegio de Santo Inacio de Loiola	1º
2	Julieta Soares de Araujo	ES Externato de Sao Jose	2º
3	Cristiana Lacerda de Araujo	ES Sagrado Coracao de Jesus-Becora	3º
4	Luisa Antonia Pereira Carlos	Colegio de Santo Inacio de Loiola	4º
5	Marlina Veraulia Piedade Abilio	ES Colegio Masculino Sao Francisco de Assis Wekiar-Manufahi	5º
6	Tejanica Crista A. D. Rosario	Colegio de Santo Inacio de Loiola	6º

Haktuir anúnsiu, ekipa BCTL halo visita ba Eskola no estudante sira hodi nune’e entrega sertifikadu rekuñesementu nudar manan nain.

Iha foto ekipa BCTL entrega premiu ba manan nain nain haat hosi eskola Colegio de Santo Inacio de Loiola. Estudante nia naran mak hanesan Evo Morales Ilibui Araujo Freitas EBC Colegio de Santo Inacio de Loiola no nain tolu ensinu sekundariu mak hanesan Moreno Benigno G. dos S. Soares, Luisa Antonia Pereira Carlos no Tejanica Crista A. D. Rosario.

Ekipa BCTL visita eskola EBC. Maria Auxilia Dora, no entrega sertifikadu rekuñesementu ba estudante Laurencia Evangelina Pinto nu’udar manan nain kategoria estudante ensinu baziku terseiru siklu.

Ekipa BCTL ofisialmente entrega sertifikadu rua (2) ba eskola EBC no ES Externato de Sao Jose Dili, estudante manan
nain hosi eskola ne’e mak Josefina Cardoso no Julieta Soares de Araujo. Oportunidade refere BCTL desmina informsaun konta hau nia Futuru ba alunus sira hodi bele hatene produtu spesifiku ba idade estudante nivel sekundariu ba kraik.

Ekipa BCTL entrega premiu sertifikadu ba estudante Cristiana Lacerda de Araujo hosi eskola ES Sagrado Coracao de Jesus-Becora.

Ekipa BCTL visita eskola ES Colegio Masculino Sao Francisco de Assis Wekiar-Manufahi no ofisialmente entrega sertifikadu rekuñesementu ba estudante Marlina Veraulia Piedade Abilio.