Semana Osan Global
Semana osan global ka global money week nu’udar selebrasaun hasa’e konsensia ema kona-ba uza osan, stividade ne’e selebra iha 23 to’o 29 fulan Marsu tinan tinan. Atividade ne’e inisia hosi Child and Youth Finance International (CYFI) iha tinan 2012. Agora ne’e atividade hanesan organiza hosi Organization for Economic Cooperation and Development / international network on financial education (OECD/INFE) ho ninian objetivu mak hasa’e kunyesementu ba idade labarik no joven foin sa’e nian oinsa maneja osan, halo poupansa, kria serbisu ba ann rasik no sai hanesan empreza sira.
Atividade oioin akontese durante loron semana osan globál ne’ebe selebra iha nivel rejiaun, nasional no lokal. Baibain, atividade hirak ne’e hodi akumula labarik sira, joven no komunidade sira hotu ne’ebe hakarak estuda asuntu edukasaun fianseira no inklusaun finanseira.
2018 Timor-Leste, Loron Semana Osan Global
Banco Central de Timor Leste (BCTL) iha tinan 2018 hetan visita hosi NGO MOVE nebe ninian nain ema Portugues sira. Visita ne’e nudar parte selebrasaun semana osan global (global money week). Durante tempu visita BCTL utiliza tempu refere ho desmina informasaun kona-ba importansia literasia finanseira ba labarik no joventude. Numúru visitante ba eventu ne’e hamutuk ema 40 kompostu hosi labarik no joven nomos sira nian manorin.
Tempu hanesan, BCTL introdús importánsia halo planu poupansa ba idade labarik atu nune’e ajuda proteje sira nian futuru nebe diak liu. Nomos, BCTL introdus moeda ofisial Timor Leste agora uza. Sesaun ikus BCTL lori visitante hotu visita hodi hare ambiente serbisu Banku Sentral ninian ba sira atu komprende.
2019 Timor-Leste, Loron Semana Osan Global
Tinan 2019 Banco Central deTimor-Leste (BCTL) organiza loron semana osan globál ho maneira kontinua promove konta Hau Nia Fututu ba iha eskola sira nebe lokaliza iha Dili no Liquica.
Semana osan global mak inisiativa ida nebe ho ninian ojetivu atu hasa’e konsiensia problema moneter ka osan ba labarik no joven. Tinan refere atividade selebrasaun semana loron osan global ho maneira BCTL hamutuk ho parseira banku komersiu hala’o visita ba eskola hirak nebe identifikadu atu hato’o informasaun kona-ba benefisiu loke konta Hau Nia Futuru. Ekipa ba atividade ne’e visita direita ba eskola sira hanesan EBC Farol, EBC Auxiliadora Comoro, EBF Mauboge Liquica, EBC Casait Liquica no eskola bodik difisiente Taibesi.
