Atividade Tinan 2017

Banco Central de Timor-Leste (BCTL) selebra seremónia loron aniversáriu ba datoluk iha salaun Parókia Numbei Rejiaun Administrativa Espesial Oe-Cusse Ambeno (RAEOA) Seremónia loron poupansa ne’e partisipa hosi Ministru Edukasaun no Kultura, Presidente interinu Autoridade Rejiaun Administrativa Espesial Oe-Cusse Ambeno (RAEOA), representasaun hosi banku no estudante no profesor/a sira hosi eskola primária iha RAEOA. 




Antes seremónia loron poupansa, BCTL koordena uluk ho authoridade RAEOA nian liuliu parte diresaun ba edukasaun organiza atividade pre-eventu edukativu iha loron 27 Novembru. Tema ba pre-eventu no selebrsaun loron poupansa mak “Poupa agora diak ba Futuru”. Objetivu programa ne’e mak atu hasa’e kuñesemntu no konsiénsia  estudante sira nian liuliu hirak ne’ebé  iha ensinu basiku kona ba vantajen poupa ba futuru nia diak. Atividade pre-eventu ne’e mak hanesan pinta dezeñu, diskursu no poezia. Eskola ualu mak partisipa ba kompetisaun atividade kompetisaun ne’e hotu no resulta manan nain ema nain haat kada grupo ba atividade pinta dezeñu
diskursu no poezia. 

Foto: atividade kompetisaun pinta entre estudante  iha Ambeno Oecusse, iha ambitu selebrasaun loron poupansa nian.

Fatin: Aula Igreja Nosa Senhora de Fatima-Numbein

Espozisaun nasional ba edukasaun finanseira inisia kedas iha tempu lansamentu loron poupansa. Programa espozisaun nasional nudar parte edukasaun finanseira atu enkoraja muda ema nian kostume gastu no hasa’e sira nian seguransa finansa nomos kontribui aumenta poupansa.



Depois ofisiál loke programa espozisaun edukasaun finanseira tuir kedas representante BCTL, banku komersiu no autoridade local sira kontinua kampania ba postu administrativu tolu hanesan Pante Makasar, Oesilo no Nitibe. Objetivu atividade ne’e atu desmina informasaun kona ba halo poupansa diak ba futuru. Liu husi produtu poupansa konta  Hau Nia Futuru durante loron rua rejistu total konta foun ne’ebé  loke atinji 151 konta. Programa atividade espozisaun eduksaun finanseira kontinua ba munisipiu sanulu resin rua durante tinan 2018.