SERVISU KARTEIRA ELETRÓNIKA (E-WALLET) IHA TIMÓR-LESTE
AUTORIZASAUN SERVISU KARTEIRA ELETRÓNIKU (E-WALLET)
Banku Sentrál fó autorizasaun ba empreza Telemor Fintech, Unip.Lda ho marka Mosan iha fulan Agostu 2018 no Telin Digital Solution, Lda ho marka T-Pay hodi fornese servisu karteira eletrónika iha fulan Outubru 2019. Servisu kartera eletrónika hanesan servisu pagamentu ida ne’ebé utiliza telemovél hodi halo tranzasaun finanseiru sira iha rai laran.
TRANZASAUN SERVISU KARTEIRA ELETRÓNIKU
- Tranzasaun finanseiru sira ne’ebé mak hetan autorizasaun hodi fornese servisu de-pagamentu karteira eletróniku kobre:
- Kontrolu Finanseiru: Planu orsamentu ajuda ema atu hatene kontrolu sira nia finansas. Ho hatama limitasaun ba kada kategoria gastu no prioritiza ne'ebé importante, ema bele evita gasta liu husi sira nia rendimentu.
- Estabilidade Finanseira: Ho planu orsamentu, ema bele kria estabilidade finanseira. Individu ka koletivu halo estimasaun ba planu ba eventu ne'ebé sei akontese, hanesan gasta ba férias ka gasta iha emergência.
- Aprezenta Dadus espetativa: Planu orsamentu bele hatudu kona-ba realidade finanseira ho informasaun mak nain kontrola. Individu ka koletivu halo estimasaun kona-ba rendimentu no gastu mak viabel hodi bele ajuda kompriende sira nia situasaun finanseira.
TRANZASAUN SERVISU KARTEIRA ELETRÓNIKU
- OINSA UTILIZA SERVISU KARTEIRA ELETRÓNIKU?
- Servisu karteira eletróniku Mosan no T-Pay bazeia ba aplikasaun ho telemovél android. Servisu karteira eletróniku bazeia ba aplikasaun tenke iha pakote internet wainhira halo tranzasaun sira.
- Servisu Mosan mós bazeia ba USSD ka fornese servisu ho telemovél manual, la nesesariu iha pakote internet wainhira halo tranzasaun sira.
- Wainhira kliente hakarak utiliza servisu transferénsia osan husi konta bankária ba konta karteira elektrónika, kliente tenke subskreve dahuluk iha mákina ATM P24 ne’ébé besik hodi bele asesu ba fitur ida nee.
- Wainhira kliente hakarak transfere osan hosi konta karteira eletróniku ba konta bankária, kliente la nesesariu vizita mákina ATM P24 hodi halo subskrisaun.
OINSA PROSESU LOKE KONTA KARTEIRA ELETRÓNIKU?
Telemor Fintech, Unip.Lda nu’udar empreza subsidiáriu hosi empreza Operadór Telekomunikasaun Telemor VIETTEL no Telin Digital Solution, Lda nu’udar empreza subsidiáriu hosi empreza Telkomcel. Atu asesu ba servisu karteira eletrónika Mosan ga T-Pay, kliente bele loke konta liu hosi aplikasaun Mosan ga T-Pay. Hakarak hatene informasaun detallu ba servisu Mosan ga T-Pay, kliente sira presiza vizita ba ajensia Telemor Fintech ka ajensia Telin Digital Solution ne’ebé besik iha kliente sira nia hela fatin.
BENEFISIU HALO TRANZASAUN LIU HOSI KARTEIRA ELETRÓNIKA
- Tranzasaun sira hala’o ho konviniente.
- Tranzasaun hotu hala’o ho seguru
- La presiza iha osan volta
- Prevene moras infetiva sira (moras da’et).
