Programa Servisu
Antesedente
Orgaun Asesoria Investimentu (IAB) hari ho Artigu 16 husi Lei Fundu Petrolíferu. Lei ne'e haktuir knar IAB nian iha Artigu 16, ne'ebé bele konklui hanesan tuir mai:- Atu prepara dezempenu konselleiru sira ba revizaun risku no lukru sira
- Atu fo konsellu ba Ministru konaba mudansa sira ba mandatu investimentu
- Atu sai parte husi prosesu indikasaun no sesasaun jestór externál sira
- Atu apresia jestór externál sira
- Atu fo konsellu konaba stratejia investimentu en jerál
- Atu fo konsellu ba Ministru wainhira husu konaba asuntu stratejia investimentu no jestaun sira seluk
Obrigasaun Boot liu tan
Atu hala'o ninia funsaun efetivamente, IAB sei presiza input ho dalan fo rekomendasaun sira, análise konaba stratejia alternativa sira, informasaun konaba prosesu kompromisu ho jestór externál sira, no seluseluk tan. Orgaun ne'e la'os deit presiza konsider input sira hanesan ne'e ba sira nia interesse rasik, maibe tuir lei tenki konsidera asuntu boot liu sira, liuliu:- Hametin ekuidade entre jerasaun iha alokasaun rendimentu entre jerasaun sira orasne'e no abanbainrua nian.
- Kondisaun no oportunidade sira ne'ebé bele mosu iha merkadu finanseiru sira
- Problema sira ne'ebé Banku Sentrál no sira seluk iha Timor-Leste hasoru
- Nesesidade atu asegura katak osan nesesáriu ne'e disponivel duni ba transferénsia.
Programa Enkontru
Fatór sira iha leten hatudu katak Orgaun ne'e sei servisu iha figura ekonómika no finanseira luan liu tan atu dezenvolve rekomendasaun sira inklui avaliasaun risku no lukru, dezenvolve mandatu sira, no sukat dezempenu. Nune'e, Sekretariadu sei iha dever atu mantén – liuliu membru sira ne'ebé la hela iha Timor-Leste – informasaun konaba asuntu luan liu hirak ne'e. Nune'e, sei hein Sekretariadu atu fornese materiál ba membru sira hanesan relatóriu ekonomia sira, informasaun konaba Fundus no ninia dezenvolvimentu ne'ebé karik sai antesedente nesesaria, maibe la'os konaba asuntu ajenda ne'e rasik. Membru Orgaun sira karik hakarak atu konsidera extensaun ba nesesidade antesedente materiál hanesan ne'e atu bele koloka ba diskusaun iha enkontru sira.Tuir mai, proposta padraun ajenda enkontru nian (la'os enkontru hotuhotu sei konsidera asuntu ajenda ne'e idaidak, notópiku seluk karik bele aumenta ba ajenda tuir tempu) mak hanesan tuir mai ne'e:
- Apolojia
- Minuta sira husi enkontru ikusliu nian
- Negósiu ne'ebé mosu husi minuta sira ne'ebé la inklui iha ajenda
- Korrespondénsia (inklui pedidu no konsellu ba/husi Ministru)
- Stratejia Investimentu / Revizaun Alokasaun Rekursus / Konselleiur sira
- Mudansa sira ba mandatu investimentu nian
- Apresiasaun/kompromisu/mudansa jestór investimentu sira
- Negósiu sira seluk
Oráriu Enkontru
Enkontru regulár orgaun nian hala'o kada trimestre. Orgaun ne'e bele hala'o enkontru extraordináriu wainhira presiza.