Pagamentu 24 oras (P24)
Pagamentu dijital ne’e disponivel tanba, institusaun finanseiru iha liña koneksaun ba troka informasaun ba malun. Atu fasilita prosesu tranzasaun ne’e Banco Central de Timor-Leste implementa Sistema interligadu nasional (National Switch) hodi bele halo koneksaun entre fornesadór servisu finanseiru. Inklui banku sira no Fintech sira. Sistema interligadu mak naran P24, permiti pagamentu iha tempu ne’ebé real.
Sistema P24 permiti kualker kartaun débitu husi banku ne’ebé deit hodi uza iha kualkér ATM no POS ida. Sei la hare ba banku ne’ebé mak emiti kartaun, importante mak sira rejistu ona iha Sistema P24. Liu husi Sistema P24 permite kliente transfere osan entre konta banku sira no ba konta karteira eletronika. Ne’e akontese tanba banku hotu no Fintech sira iha koneksaun ba sistema P24.
