Atividade Tinan 2023

AKTIVIDADE TINAN 2023

Selebrasaun Loron Nasional ba Poupansa Dasia no kampu dijital datoluk

Tinan 2023, Banco Central de Timor-Leste (BCTL) kontinua selebra loron Nasional ba Poupansa ba dasia no kampu dijital datoluk iha Dili, Kapital Timor-Leste

Atividade Edukativu Literasia Finanseira no Literasia Servisu Pagamentu Dijital ba Juventude no Empreza

Banku Sentral deside kontinua selebra loron poupansa no kampu dijital ba tinan 2023 konsentra iha Kapital Nasau, Dili. Selebrasaun ne’e hahu uluk ho pre-atividade edukativu iha eskola sira mak iha nivel sekundariu no universitariu. Alende ne’e programa mak identiku habelar mos ba grupu empreza sira ne’ebe hamahon anni ha CCI-TL, IADE, Federasaun Koperativa ba kreditu no empreza retaillu mak halo negosiu iha Timor-Plaza.

Banku Sentral hala’o atividade literasia finanseira ho maneira ba desamina informasaun kona ba various servisu Pagamentu Dijitál ho objetivu prinsipál mak introdus Sistema pagamentu dijital mak agora disponivel.

Banku Sentral iha programa ne’e kontinua esklarese topiku sira seluk hanesan koñese ita nia moeda inklui maneira identifika osan falsu, identifika aspeitu iha kategoria nesesidade no hakarak, oinsa gastu no poupa, inklui informasaun kona-ba benefisiu konta Ha’u-nia Futuru.

Tabele mak aprzenta tuir mai numeru benefisariu programa literasia finanseira dijital nu’udar preatividade edukativu antes selebrasaun loron poupansa nasional dasia no kampu dijital datoluk

Tabela: Deskrisaun fatin BCTL halo programa literasia finanseira Dijital ba grupu joventude no adultu iha Dili durante fulan Outubru no Novembru 2023.

Durante programa pre-atividade edukativu benefisia ona estudante no emprezariu hamutuk 332 kompostu husi mane 150 no feto 182. Iha okaziaun realiza programa literasia finanseiru dijital Banku Sentral konvida involvimentu direita husi institusaun finanseira banku no Fintech atu nune sira rasik introdus Sistema pagamentu dijital mak sira fornese.

Seremónia Selebrasaun Loron poupansa Nasional Daualuk no Kampu Dijital Darua

Selebra Loron Poupansa Nasionál ba dasia no Kampu Dijitál ba datoluk iha parajen CBD2 Timor-Plaza. Iha ambítu selebrasaun ida ne’e, Banku Sentrál realiza espozisaun kona-ba pagamentu dijitál no kontinua ho eventu seremonia loron poupansa nasional dasia no kampu djital datoluk ne’ebe hahu hosi tuku 08.00 to’o tuku 19.30.

Foto: Diskursu Governador Banku Sentral Sr. Helder Lopes iha ambitu abertura espozisaun Sistema pagamentu dijital ne’ebe disponivel ona iha Timor-Leste.

Programa espozisaun realiza iha fatin area estasianamentu Timor Plaza, Dili. Aabertura husi Excelensia Governadór Banku Sentrál, Sr. Heldér Lopes, akompana husi CEO banku komersiu, ODTI, kompana seguru no Fintech. Governadór iha nia diskursu hato’o katak sistema pagamentu dijitál disponivél ona iha Timór-Leste maibe tanba literasia finanseiru seidauk masímu, komunidade balun seidauk bele utiliza fasilidade sira ne’ebé iha ona

Foto: abertura programa espozisaun Sistema pagamentu dijital husi institusaun finanseira lidera husi Governador Banku Sentral Sr. Helder Lopes akompana husi CEO institusaun finanseira no Estudante.

Selebrasaun Loron Poupansa Nasionál ba dasia no Kampu Dijitál ba datoluk selebra iha oras 16.00 – 19.30. Diskursu Sr. Governadór Banku Sentrál nian hato’o katak liu hosi kriasaun konta Ha’u Nia Futuru, rejista ona konta hamutuk rihun 27 ho total montante millaun US$13. Iha biban ida ne’e, Sr. Governadór mós husu ba governu atu kria identidade uniku no rede komunikasaun ne’ebé diak hodi fasilita pagamentu dijitál sira.

Primeiru Ministro Sr. Xanana Gusmáo iha nia diskursu hateten katak apresia ba programa ida ne’e, husu Banku Sentrál atu kontinua realiza programa literasia finanseiru no disemina informasaun kona-ba pagamentu dijitál ba labarik, joventude, koperativa no agrikultor. Governu sei suporta programa Banku Sentrál nian ne’e.

Foto: Primeiru Ministru Sr. Jose Alexander Xanana Gusmao, hato’o Diskursu ba publikauiha ambitu selebrasaun loron poupansa nasional dasia no kampu dijital datoluk iha area estasinamentu Timor Plaza Dili.

Iha biban ida mós, Banku Sentrál fahe sertifikadu apresiasaun ba parseiru relevante sira ne’ebé fó ona kontribuisaun ba dezenvolvimentu setór finanseiru no empreza sira ne’ebé suporta no implementa programa pagamentu dijitál nian.

Foto: BCTL Atribui sertifikadu apresiasaun ba parseiru Servisu implementasaun programa kapasitasaun Empreza mikro, ki’ik no mediu hanesan CCI-TL no IADE

Foto: BCTL atribui sertifikadu apresiasaun ba parseiru implementsaun programa ensina materia litersia finanseira iha ensinu baziku siklu 1 no 2 iha area Munisipiu Dili. Reprezenta husi Eskola filial 4 nebe asosiadu husi Eskola Ensinu baziku Sentral Sergio Veira de Melo.

Foto: BCTL atribui sertifikadu apresiasaun ba Formador IADE Dili, Ainaro-Maubisse no Bobonaro ne’ebe kontribui kapasita empreza mikro, ki’ik no mediu iha area dokumentasaun finanseiru no kontabildade baziku.

Foto: BCTL atribui sertifikadu apresiasaun ba empreza retaillu ne’ebe uza no promove Sistema pagamentu dijital husi postu Cailaco, Baguia no Uatu-Lari.

Eventu espozisaun kona-ba pagamentu dijitál no selebrasaun Loron Poupansa Nasionál ba dasia no Pagamentu Dijitál ba datoluk partisipa masímu husi instituisaun finanseiru sira hanesan banku komersial, empreza fintech, kompania seguru no negosiante sira ne’ebé organiza husi Timor-Plaza ne’ebé nu’udar ona komersiante karteira eletróniku no POS P24.

Foto: Ekipa organizadora eventu selebrasaun Loron Poupansa nasional dasia no Kampu Dijital datoluk hamutuk ho Primeiru Ministru, governador no ninian strutura foto hamutuk iha eventu selebrasaun.

Programa ne’e implementa ho susesu no hetan suporta maximu husi internal no esternal. Banku Sentral sei kontinua programa selebrasaun mak identiku iha fatin ne’ebe sei define tuir mai.

---------REMATA---------