2022 ACTIVITIES

AKTIVIDADE TINAN 2022

Selebrasaun Loron Nasional ba Poupansa Daualuk no kampu dijital darua

tinan 2022, Banco Central de Timor-Leste (BCTL) kontinua selebra loron Nasional ba Poupansa ba daualuk no kampu dijital darua iha Postu Administrativu Baguia Munisipiu Baucau.

Atividade Edukativu Literasia Finanseira no Literasia Servisu Pagamentu Dijital, Baguia, Baucau.

Banku Sentral iha okaziaun ne’e kontinua ho tradisaun antes realiza selebrsaun loron poupansa no kampu dijital hahu uluk ho pre-atividade edukativu iha postu administrativu Baguia, Munisipiu Baucau.

Banku Sentral hala’o atividade literasia finanseira ho maneira ba desamina informasaun kona ba various servisu Pagamentu Dijitál ho objetivu prinsipál mak introdus Sistema pagamentu dijital mak agora disponivel ba estudante no manorin sira hodi tulun sira nian koñesementu ba Sistema mak agora iha.

Banku Sentral iha programa ne’e kontinua esklarese topiku sira seluk hanesan koñese ita nia moeda inklui maneira identifika osan falsu, identifika aspeitu iha kategoria nesesidade no hakarak, oinsa gastu no poupa, inklui informasaun kona-ba benefisiu konta Ha’u-nia Futuru.

Tabele mak aprzenta tuir mai numeru eskola mak sai alvu ba programa

Tabela; Eskola ensinu baziku no ensinu sekundariu mak sai alvu programa literasia finanseira dijital, Baguia, Baucau.

Durante programa pre-atividade edukativu benefisia ona estudante hamutuk 882 kompostu husi mane 419 no feto 463.

Seremónia Selebrasaun Loron poupansa Nasional Daualuk no Kampu Dijital Darua

Selebrasaun Loron Poupansa Nasionál, 29 Novembro 2022 hala’o iha salaun Eskola Sekundariu Geral Katolik Pe. Joao de Deus Pires SDB. Partisipa iha selebrasaun tinan ne’e maka Governador Banco Central de Timor-Leste, Reprezentante Prezidenti Autoridade Munisípiu Baucau, Administrador Postu Administrativu Baguia, Vise Prenzidenti INFORDEPE, Jerente banku komersial, representante ODTI, diretor husi Telemor fintech, Telin digital Solution, reprezentante husi SECOOP, chefe Suku, representante Veteranos, chefe aldeia, Amo Paroku Baguia, diretor eskola ensinu baziku no sekundariu, profesores no estudante husi eskola ensinu sekundariu jeral Baguia no Sekundariu Privadu Katoliku Pe. Joao de Deus Pires, SDB.

Foto: Diskursu Governador Sr. Abaão de Vasconselos iha ambitu selebrasaun Loron poupansa daualuk no kompu dijital darua, Baguia, Baucau.

Governadór Banku Sentrál iha loron selebrasaun ne’e hateten katak susesu diseminasaun informasaun kona-ba pagamentu dijitál fasilita ona tranzasaun dijitál iha Baguia sai ona mata dalan ba fatin area rural sira seluk atu bele halo tuir. Banku Sentrál sei kontinua programa hanesan iha fatin seluk no sei foka iha area sira ne’ebe iha difikuldade halo tranzasaun hanesan uluk iha Baguia.

Foto: Governador Sr. Abraão de Vasconselos, ofisialmente lansa dokumentu Etratejia Nasional Literasia Finanseira 2022-2027 iha ambitu selebrasaun Loron Poupansa Nasional daualu no Kampu Dijital daruak, iha Baguia, Baucau.

Ikus ba programa ne’e mak, BCTL halo lansamentu Estratejia Nasional ba Literasia finanseira 2022-2027 nian. Stratejia ne’e nu’udar mata-dalan ba meta servisu mak atu atinji iha tinan lima nia laran. Estratejia nasioanal literasia finanseira 2022- 2027 nu’udar estratejia ba dala rua nian. Pontu importante iha estratejia segundu foku ba area oin tolu hanesan Literasia Finanseira ba Empreza Mikro, Ki'ik no Médiu, ba idade labarik nian no ba Grupu Feto sira.